Буюк Британиянинг Ипсвич шаҳридаги бошланғич мактаблардан бирининг раҳбарияти болаларни ёмғирда ҳам кўчада ўйнашга мажбур қилаётгани айрим ота-оналарнинг норозилигига сабаб бўлди. Бу ҳақда «РИА Новости» хабар бермоқда.
Гап Paradigm Trust мактабида яқинда жорий этилган «ҳўл ўйинлар» сиёсати ҳақида кетмоқда. Мактаб директори Бен Картерга кўра, ёмғир остидаги ўйинлар болалар ривожланишининг одатий қисми.
«Олдинги авлод билан солиштирганда замонавий болалар экран қаршисида кўп вақтини ўтказади, ташқарига деярли чиқмайди. Ваҳимага ҳожат йўқ, об-ҳаво ёмон бўлганда болаларга бинода ўйнашга ҳам рухсат берамиз», — изоҳ берди директор.
Бироқ барча ота-оналар ҳам унинг фикрига қўшилмади.
«Уларни шиддатли ёмғир остида сайр этишга мажбур қилишган. Мен ҳатто итимни ҳам бундай об-ҳавода кўчага чиқармаган бўлардим», — деди ўқувчилардан бирининг онаси Анна-Мария Флетчер.
Картер ота-оналардан кечирим сўради, бироқ фақат ҳаммани ҳам қоидалардаги ўзгаришлар ҳақида хабардор қилмагани учун. Директор уларни болаларни мактабга «қишки палто ёки куртка ва шунга яраша поябзалда» юборишга чақирди.
Изоҳ (0)