АҚШ миллий хавфсизлик агентлиги бутун дунёдаги қурилмаларга кириш учун фойдаланадиган бир қатор зарарли дастурлар 2016 йилда хакерлар томонидан ўғирланганидан танг аҳволда қолди, деб хабар беради «Корреспондент.net».
Shadow Brokers хакерлар гуруҳи миллий хавфсизлик агентлигидан ўғирланган бир қатор воситаларга дастурли код эълон қилди. Мазкур код кейинчалик бутун дунё бўйича йирик зарар келтирган вирусларни ишлаб чиқишда қўлланилди. Бузиб кириш ҳанузгача ошкор қилинмаган.
Миллий хавфсизлик агентлиги вазиятга расмий равишда изоҳ бермаган.
«Агентликдаги ҳозирги ва собиқ расмий шахсларнинг айтишича, Shadow Brokers’нинг 2016 йилда бошланган ошкоралиги агентлик учун ҳалокатли оқибатларни ўзида мужассам этган. Мазкур ҳолат агентликнинг қудратли киберқуролни ҳимоя қилиш қобилиятини хавф остида қолдирган», — дейилади хабарда.
Тахмин қилинишича, Shadow Brokers’дан зарар миқдори марказий разведка бошқармаси ва миллий хавфсизлик агентлигининг собиқ ходими Эдвард Сноуденнинг ошкор этганидан кўра кўпроқ бўлиши мумкин. Сабаби, хакерлар дастурлар кодини ошкор қилган ва бу билан уларнинг учинчи шахс томонидан фойдаланишини таъминлаган.
АҚШ махсус хизматлари маълумотларнинг сизиши ходимларидан бирининг иши ёки ўғрилик оқибати эканлигини ҳам аниқлай олмаяпти.
Изоҳ (0)