6 ноябрь куни соат 20:30 ларда Гулистон туманида яшовчи Х.Аввалбоев «Н» исмли шахсга тахминан беш килограммга тенг марихуана гиёҳванд моддасига ўхшаш моддани 800 000 сўм эвазига сотаётган вақтда Ички ишлар идоралари ходимлари томонидан қўлга олиниб, далилий ашёлар олинган. Бу ҳақда Сирдарё вилояти ИИБ матбуот хизмати хабар бермоқда.
Сирдарё вилояти ИИБ ЭКБнинг хулосасига кўра «Н» исмли шахсдан олинган ўсимлик модда таркибида фаол гиёҳванд модда «тетрагидроканнабинол» мавжуд булиб, бу модда «марихуана» деб аталиши, унинг нам ҳолдаги оғирлиги 5468 граммга тенглиги кўрсатилган.
Мазкур ҳолат юзасидан 7 ноябрь Гулистон тумани ИИБ ҳузуридаги тергов бўлинмаси томонидан Х.Авалбоевга нисбатан Ўзбекистон Республикаси ЖКнинг 273-моддаси 5-қисми (қонунга хилоф равишда гиёҳвандлик моддасини ўтказиш) билан жиноят иши қўзғатилиб, жиноят содир этган шахсга нисбатан қамоқ эҳтиёт чораси қўлланилган.
Изоҳ (0)