Кундалик рўйхатдаги бажарилмай қолган ишлар ҳафсалани пир қилади ва иштиёқни сўндиради. Бу муаммони бартараф қилишнинг йўли бор: қилинадиган ишлар рўйхати билан бирга анти-to-do рўйхатини тузиш. Бу усул сиздаги ўз кучингизга бўлган ишончни мустаҳкамлайди.
Анти-to-do рўйхат нима?
Анти-to-do рўйхатга кун давомида қилинган ишларни киритиш керак. Бошқача қилиб айтганда, бу эришилган ютуқлар рўйхати бўлади.Бу жуда иштиёқ уйғотувчи усул бўлиб, кун давомида ҳаммаси бўлиб қанча иш қилганингизни кўриб турасиз. Ҳатто агар бу ишлар қилишингиз керак бўлган ишлар рўйхатида бўлмаса ҳам.
To-do рўйхатдаги бажарилган ишларни ўчириб ташлайсиз. Анти-to-do рўйхатга эса режалаштирилган ишлардан ташқари қилинган қўшимча ишларни ҳам киритасиз.
Ҳафта охирида у қилинадиган ишлар рўйхатида кўринганидек унумсиз эмаслигига амин бўласиз.
Бу нима учун унумдорликни оширади?
Кун давомида биз to-do рўйхатимизда кўрсатилганидан ҳам кўпроқ ишларни бажаришимизга тўғри келади. Баъзан улар кўп вақтни олади, шунинг учун биз олдиндан режалаштирилган ишларни бажаришга улгурмаймиз. Кун охирида рўйхатдаги бажарилмай қолган ишларга қараймиз ва ўзимиздан кўнглимиз тўлмайди.To-do рўйхатдаги вазифаларни биз олдиндан ўйлаб қўямиз. Бу шубҳасиз мақсадга эришиш учун анча фойдали: кун учун аниқ режани тузишда биз уларни муҳимлигига қараб жойлаштирамиз. Лекин ўз ютуқларимизни ёзар эканмиз, амалга оширилган янги ишлар орқали биз вазифаларни бажариш учун ўзимизда янада кўпроқ иштиёқ уйғотамиз.
Бундан ташқари, бундай рўйхат сиздаги юксалишни қайд қилиб боради. Унинг ёрдамида сиз ўзингизда қандай янги одатлар пайдо бўлганини кузатиб боришингиз мумкин.
Манба: «Лайфхакер»
Изоҳ (0)