Ўзбекистон Республикаси Вазирлар Маҳкамасининг 2015 йил 9 апрелдаги «Республикада сотиладиган маиший электр приборларини, янгидан қуриладиган бинолар ва иншоотларни энергетика жиҳатидан мажбурий маркировкалаш ва сертификатлаш тизимини жорий этиш чора-тадбирлари тўғрисида»ги қарори билан четдан олиб кирилаётган ва сотилаётган маиший электр приборларининг, шунингдек, янгидан қурилаётган бинолар ва иншоотларнинг энергия самарадорлигини таъминлаш мақсадида 2016 йил 1 январдан эътиборан амалда қўлланиладиган бир қанча талаблар белгиланган, деб хабар беради Қашқадарё вилоят божхона бошқармаси ахборот хизмати.
Бу ҳақда тарғибот-тушунтириш ишлари олиб борилишига қарамасдан ташқи иқтисодий фаолият билан шуғулланувчи субъектлар томонидан қарор талабларига зид маиший электр приборларининг импорти кузатилмоқда.
Мисол учун, «Кўкдумалоқ-газ» МЧЖ шаклидаги қўшма корхона масъулларининг эътиборсизликлари сабаб, корхона эҳтиёжи учун четдан беш партиядаги қиймати 631 АҚШ долларилик вазни 15,5 килограмм бўлган 103 дона турли хилдаги энергия самарадорлиги паст (юқори электр энергиясини сарфлайдиган) чўғланма лампалар импорт асосида олиб келинган.
Мазкур лампалар юқорида қайд этилган қарор талабларига зид бўлганлиги сабабли белгиланган тартибда йўқ қилиниши таъминланди.
Изоҳ (0)