Элликқалъа тумани Бўстон шаҳар М.Юсуф кўчасида истиқомат қилувчи Ш.Мавлонова Мажбурий ижро бюроси Элликқалъа туман бўлими ходимлари томонидан истеъмолчи хонадонининг электр ҳисоблагичи тамғаланмаганлиги сабабли жарима ёзилганидан норозилигини билдириб, туман Истеъмолчилар ҳуқуқларини ҳимоя қилиш жамиятига мурожаат қилди, деб хабар беради жамият ахборот хизмати.
Норозилик сабаби ТЭTК ходими хонадонга яқинда янги ҳисоблагич ўрнаттирган, лекин ўша пайтда ҳисоблагични тамғалаш бўйича хонадон эгасини огоҳлантирмаган.
Ушбу масалага аниқлик киритиш учун туман Истеъмолчилар ҳуқуқларини ҳимоя қилиш жамияти ҳамда ЭTК ходимлари иштирокида ўрганиш ишлари олиб борилди.
Натижада истеъмолчи хонадонига ёзилган жарима Элликқалъа ТЭTК ходимининг масъулиятсизлиги оқибатида юзага келгани аниқланди.
Истеъмолчига жаримасини қоплаш учун Элликқалъа ЭTКдан жами 450.000(тўрт юз эллик минг) сўм пул ундириб берилди.
Изоҳ (0)