Ўзбекистон U19 термаси бугун — 8 ноябрь куни Осиё Чемпионати саралашининг сўнгги турида Тожикистонга қарши саф тортади. Беллашув Ҳисор шаҳрида, Тошкент вақти билан 17:00 да старт олади.
Ҳал қилувчи аҳамият касб этаётган ўйинда тожикистонликлар иложи борича кўпроқ мухлисни стадионга жалб қилиб, маҳаллий футболчилар руҳиятига ижобий таъсир қилишни режалаштирган. «Championat.asia» нашрининг Тожикистон Футбол Федерациясига асосланиб маълумот беришича, бугун Душанбедан Ҳисоргача юрадиган ва футбол учрашувидан кейин ортга қайтадиган бепул автобус қатнови йўлга қўйилади.
Бундан ташқари, футбол федерацияси стадионга киришни бепул қилиб қўйди. Буларнинг ҳаммаси тожикистонлик мухлислар учун экани айтилган. Агар бугун Тожикистон термаси очко йўқотса, етакчилик ўз-ўзидан Ўзбекистонга насиб қилади. Тожикистон термасини фақат ва фақат ғалаба қаноатлантиради.
Ортда қолган 3 тадан ўйинда Тожикистон 7 очко ишлаган бўлса, Ўзбекистон 9 очкога эга бўлди.
Изоҳ (0)