MyDay Instagram ижтимоий тармоғида фаол, кузатувчилари сони жиҳатидан бошқалардан ўзиб кетган аёл санъаткорлар ўнталигини тузди.
Паризода
Асл исми Дилноза Шерматова бўлган раққоса ва актриса кўпчиликка Паризода тахаллуси билан яхши таниш. Instagram’даги шахсий саҳифасида серқирра ижодкор нафақат ижоди билан боғлиқ, балки оилавий фотосуратларини ҳам жойлаб туради. Бугунги кунга келиб 674 мингдан ошиқ кузтувичисига эга санъаткор ўз саҳифасида мингдан ошиқ фотосурат жойлаган.
https://www.instagram.com/p/Ba-vnRYFags/?taken-by=parizodadancer
Севара Назархон
Нафақат Ўзбекистонда балки чет элларда ҳам миллионлаб мухлисларга эга хушовоз хонанда Севара Назархон Instagram’да унчалик фаол бўлмаса ҳам, унинг ҳаётини ижтиомий тармоқ орқали 690 мингдан ортиқ мухлислари кузатиб боради. Хонанданинг ўзи эса шу кунга қадар 500 та фотосурат жойлаган бўлиб, асосий фотосуратлари ижодий жараёнлар ва хизмат сафарларидан иборат.
https://www.instagram.com/p/BaC6OHsAw6B/?taken-by=sevara_nazarkhan
Ситора Алимжонова
Актриса Ситора Алимжонова ҳам энг кўп кузатувчиларга эга Instagram фойдаланувичлари рўйхатидан ўрин олган. Актрисанинг шахсий саҳифасига 735 мингдан ортиқ кузатувчи обуна бўлган.
https://www.instagram.com/p/BaYad2uBq88/?taken-by=sitora_alimjanova
Шаҳзода Матчонова
Актриса Шаҳзода Матчонова фаол Instagram фойдаланувчиларидан ҳисобланади. Бугунги кунга қадар 1200 га яқин фотосуратлар билан бўлишган актриса 823 мингдан ортиқ кузатувчига эга. Актрисанинг шахсий саҳифасида оилавий фотосуратларни кўрмайсиз. Унинг аксарият суратлари селфи ва фотосессия маҳсулларидир.
https://www.instagram.com/p/BaJeX1rgRr_/?taken-by=shahzodamatchanova
Нилуфар Усмонова
Хонанда Нилуфар Усмонова ҳам жуда фаол Instagram фойдаланувчиси. Унинг шахсий саҳифасида ҳозирги кунда 3 600 дан ортиқ фотосуратлар мавжуд ва уни кузатиб борувчи мухлислар сони 946 мингдан ортиқ. Хонанда аксарият машҳурлар сингари оиласини сир тутмайди. Унинг турмуш ўртоғидан бошқа барча оила аъзоларининг суратларини саҳифасидан топиш мумкин. Сўнгги пайтда хонанда анчагина катта бўлиб қолган кенжа фарзандининг фотосуратларини ҳам тез-тез жойлаб турибди.
https://www.instagram.com/p/BWAoODclkhV/?taken-by=nilufarusmonova
Лола Йўлдошева
Лола Йўлдошева ҳам ижтимоий тармоқларда фаол. Унинг бугунги кунга келиб 1 миллиондан ортиқ кузатувчилари бор. Ҳозирги кунда Москвада яшаб, ижод қилиб келаётган хонанда сўнгги пайтларда шахсий ҳаёти билан боғлиқ фотосуратларни жойлашдан чекинмаяпти. Ўзи томонидан тайёрланган таомлар суратлари ҳам мухлислари томонидан катта қизиқиш билан муҳокама қилинади.
https://www.instagram.com/p/BZLqE0qgfDm/?taken-by=lolaofficial_
Муниса Ризаева
Шўх-шаддод хонанда Муниса Ризаева ҳам миллионлаб мухлисларга эга. Унинг ижоди ва шахсий ҳаётини ижтимоий тармоқ орқали 1 миллиондан ортиқ мухлислари кузатиб боради. Хонанданинг ўзи ҳам Instagram’да жуда фаол бўлиб, шу кунгача 4000 дан ортиқ фотосурат билан бўлишган.
https://www.instagram.com/p/BaHwX8wjjFN/?taken-by=munisarizaeva
Райҳон Ғаниева
Ўзбекистонда хизмат кўрсатган артист Райҳон Ғаниева ўнталикнинг учинчи поғонасидан ўрин олди. Унинг Instagram ижтимоий тармоғидаги кузатувчилари сони 1 миллион 100 мингдан ортиқ бўлиб, хонанда ижоди билан боғлиқ фотосуратлардан ташқари оилавий фотосуратларини ҳам тез-тез жойлаб туради.
https://www.instagram.com/p/BZdtuDOlCKa/?taken-by=rayhonganieva
Асал Шодиева
Актриса Асал Шодиева Instagramда жуда фаол фойдаланувчилардан ҳисобланмаса-да, ўнталикнинг иккинчи поғонасидан ўрин эгаллади. Унинг кузатувчилари сони ҳозирги кунда 1 миллион 200 мингдан ортиқ. Актриса ўзининг шахсий саҳифасида фотосессияларидан ва оилавий фотосуратларини жойлаб туради.
https://www.instagram.com/p/BaSHShiHlt2/?taken-by=asalshodieva
Шаҳзода
Шаҳзода тахаллуси билан машҳур Зилола Мусаева ўнталикнинг биринчи поғонасида. Унинг Instagram’даги кузатувчилари сони бир миллион олти юз мингдан ортиқ бўлиб, хонанда шу кунгача 4000 га яқин фотосурат билан бўлишган.
https://www.instagram.com/p/Baa2AXagcF8/?taken-by=shahzodasinger
Изоҳ (0)