Los Angeles Times газетаси Голливудда махфийлик тўғрисида қандай битимлар тузилиши мумкинлиги ҳақида гапириб берди, деб ёзади «Газета.ru». Мисоллардан бири сифатида у актёр Леонардо ДиКаприонинг компанияси — Greenhour Corp’ни келтирди. Бу Харви Вайнштейн ва Кевин Спейсининг жинсий тегажоқлиги фош этилиши билан боғлиқ можаро фонида содир бўлди.
«Агар бир неча йил аввал Леонардо ДиКаприонинг компаниясида ишламоқчи бўлганингизда, актёрнинг шахсий хавфсизлиги, тинчлик-хотиржамлиги ва бизнеси учун муҳим бўлган ҳужжатни имзолашингизга тўғри келган бўларди», — деб ёзади нашр.
Потенциал ходимлардан ДиКаприо ҳақидаги махфий маълумотларни фош қилмаслик ҳамда фильмлар ва бошқа лойиҳаларни ишлаб чиқишда «ҳақоратли/номаъқул материал»нинг узун рўйхатидаги бирорта банд билан тўқнаш келишга розилик беришни сўрашган.
Бундан ташқари, гўёки, ходимлардан тегажоқлик, шахсий ҳаётга аралашиш ва маънавий зарар етказиш каби бир қатор ҳолатлар бўйича ДиКаприо ёки Greenhour’ни судга бериш ҳуқуқидан бош тортишни талаб қилишган.
Эслатиб ўтамиз, америкалик продюсер Харви Вайнштейн бир умрга Америка продюсерлар гильдиясидан четлатилди. Бунга сабаб яқинда унинг атрофида юз берган жинсий тегажоқлик билан боғлиқ жанжаллар бўлган.
Изоҳ (0)