Тошкентликлар банк кассаларида ўзлари берган долларни қабул қилишдан бош тортишаётгани ҳақида маълум қилди

Facebook’даги «Потребитель.уз» гуруҳи аъзоларидан бири банкда юз берган ғалати вазият ҳақида гапириб берди.

Банк кассасида кўчириб ўтказилган суммани долларли купюраларда беришган. Фойдаланувчи шу заҳотиёқ ушбу долларни қўшни дарчага узатиб, сўмга алмаштириб беришни сўраган. Энг ҳайратланарли томони шундаки, банк ходими бу купюраларни қабул қилишдан бош тортган. У ҳар битта купюрада кичкина сиёҳли муҳр турганини пеш қилган, бу эса купюра бузилганини билдиради. Ходимни ушбу долларни мижозга уларнинг ўзлари бир дақиқа аввал бергани қизиқтирмаган.

Фойдаланувчи купюралар қўшни дарчадан олинганини исботлаш учун, видеокузатув камераларини кўришни талаб қилиб олган. Узоқ давом этган баҳслардан сўнг, долларларни алмаштириб беришган.

Гуруҳнинг бошқа бир нечта аъзолари ҳам шундай ҳолатларга тушганини айтган.

«Потребитель.уз» купюраларда сиёҳли муҳрчалар бор-йўқлигини касса дарчасида турган вақтда текшириб олишни тавсия қилди.