Ўзбекистон Бош вазири ўринбосари Алишер Султонов, Россия энергетика вазири Александр Новак, Саудия Арабистони энергетика, саноат ва минерал ресурслар вазири Холид ал-Фалиҳ ва Қозоғистон энергетика вазири Канат Бозумбаев Тошкентдаги МДҲ Электр энергияси кенгашининг 51-мажлиси доирасида музокаралар ўтказди, деб ёзади UzDaily.
Томонлар нефть бозоридаги вазиятни муҳокама қилди. Хусусан, улар ОПЕКка аъзо бўлган ва унга кирмаган давлатлар, хусусан, Озарбайжон, Қозоғистон, Россия, Саудия Арабистони томонидан имзоланган Ҳамкорлик тўғрисидаги декларация оқимида талаб ва таклиф тенглигини қайта тиклаш ҳақидаги масалани кўриб чиқди.
Ўзбекистон, Россия, Саудия Арабистони ва Қозоғистон вакиллари нефть тижорат захиралари камайишидан қониқиш билдирди ва ушбу йўналишда ҳамкорликдаги ҳаракатларни давом эттиришга тайёрлигини изҳор этди.
Изоҳ (0)