«Зарафшон» газетаси «Ўзтрансгаз» АЖ Самарқанд вилоят газ билан таъминлаш филиали директори Шавқиддин Ғаффоров билан суҳбатлашиб, аҳолини қизиқтираётган бир нечта саволларга жавоб олди.
Хусусан, қиш пайтида аҳолидан сиқилган газ кўзда тутилган муддатидан олдин тугаши билан боғлиқ шикоятлар тушишига масъул ходим қуйидагича жавоб берди:
«Аҳолига сиқилган газ етказиб бериш ҳажми йил сайин ошиб бормоқда. Масалан, жорий йилнинг ўтиб бораётган ойида сиқилган газга бўлган талаб 3749 тоннани ташкил қилди, бу эса 2016 йилнинг шу даврига нисбатан 449 тоннага кўп деганидир.
Бундан ташқари, Вазирлар Маҳкамасининг топшириғига биноан, қўшимча 827 тонна сиқилган газ ажратилди. Бу жамғарма ҳудудлардаги истеъмолчилар сонига қараб тақсимланади. Мазкур жараён қатъий назорат остида бўлгани учун газ баллонларини газ қуйиш шохобчаларида тўлдириш мумкин эмас.
Сиқилган газни истеъмолчиларга етказиб бериш режа бўйича ва махсус машиналарда амалга оширилади.
Дарҳақиқат, сиқилган газ айниқса қишда муддатидан аввал тугаётгани билан боғлиқ шикоятлар кўп учрайди.
Эслатиб ўтаман, сиқилган газ фақат овқат тайёрлаш учун мўлжалланган, ундан уйни истиш мақсадида фойдаланилганида эса газнинг муддатидан олдин тугаши билан боғлиқ муаммолар юзага келади».
Изоҳ (0)