Кўпчиликнинг хаёлида қиролларнинг болалари ипак ёстиқларда ухлайди, олтин ликопчаларда овқат ейди ва бутун кунини хоҳлаганидек ўйинқароқлик билан ўтказади, деган фикр бўлади. AdMe бу борада дунёдаги машҳурлар ҳаётини ўрганишга қарор қилди. Нашр Кембриж герсоги Уильям ва герсогинаси Кетрин ўз болалари — Жорж ва Шарлоттани қандай тарбиялаётганига қизиқди.
Мақом шоҳона ҳаёт учун асос эмас.
Кембриж герсоглари оиласида болаларга қарашда ёрдам берувчи фақат битта энага бор. Овқатлантириш, чўмилтириш ва сайрга олиб чиқиш билан боғлиқ барча мажбуриятлар ота-она томонидан бажарилади.
Ўзганинг меҳнатига ҳурмат.
Қиролича Елизаветанинг эваралари ёшлигиданоқ ҳар қандай одамнинг меҳнати, хоҳ онаси томонидан тайёрланган кечки овқат, хоҳ оқсочларнинг иши қадрини яхши тушунади. Шунинг учун, Жорж ва Шарлотта овқатдан бош тортиш мумкин эмаслигини билади, тушиб кетган нарсаларни эса ўзлари йиғиштириб олади.
Оила — ҳаётда энг муҳими.
Тўрт ёшли Жорж аллақчон синглисига ғамхўрлик қилмоқда. Болалар кичиклигиданоқ оила тарихини яхши билади ва тез-тез бувиси, малика Диана қабрини зиёрат қилади. Кейт ва Уильям кўпроқ вақтини болалар билан ўтказишга ҳаракат қилади.
Ҳар ким ўз фикри ва ҳиссиётларини эркин ифодалаш ҳуқуқига эга.
Кейт ва Уильям ўз фарзандларида ҳиссий интеллектни фаол ривожлантирмоқда.
Таълим ҳаммасидан юқори.
Китоб ўқиш — Жоржнинг севимли машғулоти. Кейт эса болаларни тез-тез кўргазма ва музейларга олиб боради.
Спортга муҳаббат мажбурий.
Герсог ва герсогина машҳур спорт ишқибозлари саналади: Кейт чим устидаги хоккейдан завқ олади, Уильям эса футбол, баскетбол ва поло ўйнайди. Бироқ шаҳзода Жорж ва малика Шарлоттада ҳали спортга алоҳида қизиқиш уйғонгани йўқ. Ота-онанинг ишончи комилки, улар, албатта, спорт билан шуғулланади.
Ёшдан қатъий назар жамоат жойларида одоб ва этика қоидаларига қатъий риоя қилиш.
Болалар аниқ биладики, оммавий тадбирларда ва жамоат жойларида ўзини ёмон тутиш ва инжиқлик қилиш у ердан четлатилиш билан жазоланади. Жорж бир неча марта болалар майдончасида бу қоидани бузишга уриниб кўрган ва натижада дарҳол уйга жўнатилган.
Уйда ўзини эркин тутиш мумкин.
Улар ҳозирча ҳеч нарсани синдиргани йўқ, бироқ доимо бунга ҳаракат қилади. Жорж югуради, нарсаларга урилади, уй бўйлаб сакрайди. Вақт ўтиши билан ҳаммаси ўз жойига тушади.
Жисмоний жазо умуман мавжуд эмас.
Герсог ва герсогина ҳеч қачон жисмоний жазо қўлламайди. Улар ўзларининг шахсий методларини қўллайди.Планшет ва компьютер — бу катталар ўйини
Шаҳзода Жорж ва малика Шарлотта кўп вақтини кўчада, ўтлоқда югуриб, велосипедда учиб ўтказади. Болаларга электрон қурилмаларни олиш қатъий тақиқланган. Ота-онанинг фикрича, бундай нарсалар болалар катта бўлгунича кутиб туриши мумкин.
Мультфильмлар эса бемалол.
Герсоглар оиласида телевизор томоша қилишга рухсат этилган, бироқ бунинг учун ҳам қатъий вақт ажратилган.
Ақлли истеъмол —ҳаёт тарзи
Оилада янги замонавий нарсалар сотиб олинмайди. Шаҳзода Жорж ва малика Шарлотта кўпинча ота-онасининг кийимларини кияди, ҳатто Гарри амакисининг буюмлари ҳам бор.
Изоҳ (0)