Bonhams кимошди савдосида 1894 йили Британияда ишлаб чиқарилган Santler 3½hp Dogcart автомобили сотувга қўйилади. Тўлиқ ишлаш шароитида бўлган ушбу автомобиль (жорий йилда у Лондон—Брайтон пойгасида иштирок этган) 200—250 минг фунтга сотилиши режалаштирилмоқда, деб хабар берди «Мотор».
Сотувга қўйилган автомобиль нусхаси ака-ука Чарльз ва Вальтер Сантлерлар томонидан яратилган. Улар 1889 йилда Буюк Британияда машина ишлаб чиқариш билан шуғулланган биринчи одамлардир. Улар Маlvernia маркасида остида сотилган буғ двигателли автомобиллар ва велосипедлар ишлаб чиқарган.
Сотувга қўйилган машина ҳам аввалига буғ двигателида ҳаракатланган, бироқ 1950 йилда амалга оширилган реставрация ишлари натижасида унга сув билан совутиладиган бир цилиндрли Benz мотори ўрнатилган. Бундан ташқари автомобилнинг кузови бутунлай ёғочдан ишланган, шассиси темир ва эллиптик рессордан ясалган.
Изоҳ (0)