Tesla компанияси дунёдаги энг катта Supercharger қувватлантириш комплексини очди. Бу ҳақда Insideevs’га таяниб, «Мотор» хабар берди.
Станция Шанхайда жойлашган бўлиб, бир вақтнинг ўзида юзта автомобилни қувватлантира олади.
Шанхайдаги Lilac International бизнес-маркзасининг ер ости автотураргоҳига ҳар бири 2 та автомобилга хизмат кўрсата оладиган 50 та Supercharger станцияси ўрнатилди. Қувватлантириш комплекси ҳафтасига етти кун, кунига 24 соат ишлайди. Tesla жорий йилнинг охирига қадар Хитойда мингта Supercharger нуқталарини очишни режалаштирмоқда.
Бунга қадар энг йирик Supercharger тармоғи Норевегияда эди — 20 та қувватлантириш нуқтаси. Шунингдек, ҳозирги вақтда Калифорнияда 40 та ўринга мўлжалланган комплекс қурилмоқда.
Ҳозирда умумий миқдорда дунё бўйлаб 1032 та Supercharger станциялари фаолият кўрсатаётган бўлиб, улар Шимолий Корея, Европа, Осиё ва Австралияда жойлашган.
Аввалига Tesla автомобиллари учун қувватлантириш бепул эди, бироқ 2017 йилнинг январидан бошлаб машина эгалари Supercharger’дан фойдаланганининг ҳар дақиқаси ёки киловатт-соати учун пул тўлашларига тўғри келади.
Изоҳ (0)