Россиянинг Саратов вилояти Петров туманида «КамАЗ» юк машинаси ва Volkswagen Cаravelle микроавтобуси иштирокида йўл-транспорт ҳодисаси содир бўлди. Бу ҳақда «Корреспондент.net» хабар бермоқда.
Автоҳалокат оқибатида беш киши ҳалок бўлган, олти киши жароҳатланган. Уларнинг барчаси Тожикистон фуқаролари эди.
Россия ИИВнинг дастлабки маълумотларига кўра, «КамАЗ»нинг 28 ёшли ҳайдовчиси трасса бўйлаб ҳаракатланаётган микроавтобусга йўл бермаган.
«Микроавтобуснинг 21 ёшли ҳайдовчиси ҳамда уч йўловчиси ҳодиса жойида вафот этган. Volkswagen Cаravelle’нинг яна бир 29 ёшли йўловчиси шифохонада вафот этган», — дейилади хабарда.
Бундан ташқари, микроавтобуснинг 19 ёшдан 36 ёшгача бўлган яна олти йўловчиси шифохонага жойлаштирилган.
Ҳодиса юзасидан суриштирув ишлари олиб борилмоқда.
Изоҳ (0)