Ғуломжон Ибрагимов Тошкент вилояти ҳокими вазифасини бажарувчи этиб тайинланди. Бу ҳақда «Telegraf.uz» хабар бермоқда.
Аввалроқ, 30 октябрь куни Ўзбекистон бош вазири Абдулла Арипов иштирокида ташкил этилган видеоселекторда шу вақтгача Тошкент вилоятига ҳокимлик қилиб келган Шукрулло Бобоев ишдан олингани маълум бўлган эди.
Мавзуга доир: Жиззах ва Тошкент вилояти ҳокимлари ишдан олинди. Улар пахта ҳосилига қўшиб ёзишда айбланди
Ғуломжон Ибрагимов шу вақтгача Ўзбекистон бош вазирининг ўринбосари — Геология, ёқилғи-энергетика комплекси, кимё, нефть-кимё ва металлургия саноати масалалари комплекси раҳбари лавозимида ишлаб келаётган эди.
Ғуломжон Ибрагимов 1958 йил Тошкент вилоятининг Пискент туманида таваллуд топган. У 1980 йилда Тошкент политехника институти (ҳозирги Тошкент давлат техника университети)ни, 2003 йилда Президент ҳузуридаги Давлат ва жамият қурилиши академиясининг Олий бизнес мактабини тамомлаган.
Узоқ йиллар давомида Олмалиқ кимё заводида меҳнат қилган, 2004—2010 йилларда «Ўзкимёсаноат» компанияси раиси сифатида фаолият кўрсатган. 2010 йилдан бери Ўзбекистон ҳукумати таркибида бош вазир ўринбосари сифатида ишлаб келаётган эди.
Мавзуга доир: Тошкент вилоятининг барча ҳокимлари — битта суратда
Изоҳ (0)