2017 йилнинг 17—20 ноябрь кунлари Швециянинг Стокгольм шаҳрида Open Eurasian Literature Festival & Book Forum VI Халқаро адабиёт фестивали бўлиб ўтади. У атоқли ўзбек давлат арбоби ва таниқли ёзувчиси Шароф Рашидов таваллудининг 100 йиллигига бағишланади, дея хабар бермоқда Евросиё ижодий гильдияси (Лондон) расмий сайти.
Фестивальни Шароф Рашидовнинг юбилейига атаб ўтказишга буюк ўзбек ёзувчисининг ижодини бутун дунё бўйлаб оммалаштириш мақсадида қарор қилинди, дейилади хабарда. Фестивальнинг очилиш маросими Стокгольмдаги Нобель музейида бўлиб ўтади.
Фестиваль доирасида Шароф Рашидовнинг 2017 йилда Лондондаги Hertfordshire Press нашриёт уйи томонидан нашр қилинган янги таҳрирдаги инглизча «Кашмир қўшиғи» қиссаси тақдим этилади. Китобнинг тақдимотлари, шунингдек, Нью-Йорк, Вашингтон, Минск, Остона, Олмаота, Бишкек ва ёзувчининг ватани бўлмиш Ўзбекистонда ўтказилиши режалаштирилган.
Изоҳ (0)