Ўзбекистон—Қозоғистон чегарасида, «Б. Конисбаев» пунктида катта тирбандлик юзага келди: 150 дан ортиқ автомобиль Ўзбекистонга ўта олмаяпти. Бу ҳақда «Today.kz» манбаларига таяниб, «Kommersant.uz» хабар бермоқда.
Қозоғистон инвестициялар ва ривожланиш вазирлигининг транспорт қўмитаси тирбандликни Ўзбекистонга йўл олган транспорт воситалари сони кўпайганлиги билан изоҳлади ва ҳолатни ўнглаш сҳоралари кўрилаётганини маълум қилди.
Вазирлик расмий вакили Мурод Жуманбойга кўра, Хитойдан Ўзбекистонга юк олиб келаётган юқоридаги автотранспорт воситаларидан 40 тасида учинчи давлатдан кириб келишга рухсат берувчи Ўзбекистон бланкалари мавжуд эмас.
Маълумот учун, жорий йил январь — сентябрь ойларида Қозоғистондан Ўзбекистонга юк ташиш ҳажми ўтган йилнинг шу даврига нисбатан 9 фоизга ўсди.
Изоҳ (0)