Миллий матбуот марказида Ўзбекистон автомобиль ва дарё транспорти агентлиги томонидан тизимда амалга оширилаётган ишлар, автотранспорт соҳасида тадбиркорларга яратилаётган қулайликлар ҳамда интерактив хизматларга бағишланган матбуот анжумани ташкил этилди. Бу ҳақда ЎзА хабар бермоқда.
Унда агентлик директори ўринбосари Ш.Шоваҳобов ва бошқалар Ўзбекистонда йўловчилар ташиш хавфсизлигини таъминлаш, хизмат кўрсатиш маданияти ва сифатини ошириш, соҳада истеъмолчиларнинг ҳуқуқларини самарали ҳимоя қилишга алоҳида эътибор қаратилаётганини таъкидлади.
Хусусан, 2017 йилда 86 шаҳар ва шаҳарлараро автобус йўналишини очиш режалаштирилган. Бугунги кунгача 81 йўналиш бўйича йўл чизмаси, қатнов жадвали ва бошқа маълумотлар ишлаб чиқилди. 57 та янги автобус йўналиши очилиб, қатновлар йўлга қўйилди.
2017 йил 1 май куни Андижон шаҳридаги 150 та автобусда йўл ҳақи тўловини электрон тарзда амалга ошириш тизими ишга туширилди. «Микроэлектроника» МЧЖ томонидан Гулистон шаҳридаги 10 та автобусга синов тариқасида валидатор, яъни текширувчи мосламалар ўрнатилди.
Изоҳ (0)