Навоий вилояти пахтакорлари 2017 йил ҳосилидан пахта хом ашёсини тайёрлаш бўйича шартномавий мажбуриятларини бажарди. Бу ҳақда «Kun.uz» хабар бермоқда.
Режа бўйича, Навоий вилояти умумий хирмонга 97 минг тонна пахта топшириши лозим эди. 27 октябрь ҳолатига кўра, вилоят пахтакорлари 97 330 тонналик хирмон кўтарган.
Фото: «Kun.uz»
Бунгача 13 октябрь куни Хоразм вилояти, 20 октябрь куни эса Қорақалпоғистон Республикаси деҳқонлари пахта топшириш бўйича шартнома мажбуриятларини бажарган эди.
Навбатда Бухоро, Самарқанд, Андижон ва Қашқадарё вилоятлари турибди — бу вилоятларнинг ҳар бири ҳозиргача режани 95 фоиздан ортиғини бажариб улгурган.
Ҳозирга қадар Ўзбекистон бўйича умумий ҳисобда 2,8 миллион тонна пахта териб олинган. Режа бўйича терим мавсуми охиригача қарийб 3,2 миллион тонналик хирмон кўтарилиши керак.
Изоҳ (0)