Баъзан четдан қараганда, муваффақиятли одамларнинг ҳеч қандай ташвиши йўқдек кўринади. Лекин аслида бу унчалик тўғри эмас.
Муваффақиятли одамларда ҳамма ишлар ҳар доим режадагидек кетади, деб ўйлаш мумкин. Улар кераклисини қачон хоҳласалар, шунда оладилар. Уларга фақат керакли ва тўғри одамлар йўлиқади. Улар аллақачон ҳаётдаги мақсадларини ва ўзлари учун нима муҳимлигини аниқлаб олишган.
Лекин муваффақият ҳақидаги бундай тасаввурлар орқасида катта меҳнат яширинган бўлади. Муваффақиятли кишилар фақат зарур ҳоллардагина ўзлари ҳақидаги маълумотларни очиқ айтадилар. Улар ўзларининг ҳамма ҳаракатларини олдиндан ҳисобга олиб қўядилар. Чунки улар қолган 99% вақтларини ишга бағишлайдилар.
Ким тиришқоқлик билан кучини аямасдан меҳнат қилса, ўша албатта муваффақиятга эришади.
Муваффақиятли кишиларнинг қоидаси
Агар сиз ўз мақсадларингизга эришишни хоҳласангиз, атрофингизга муваффақиятли кишиларни тўпланг. Ўз ишларида муваффақиятга эришган одамлар билан гаплашиш имкониятини ҳеч қачон қўлдан чиқарманг. Улардан ўрганинг. Уларнинг тажрибаларига тақлид қилиб ўрганинг. Ишда керак бўладиган нарсаларни ўзингизга қайд қилиб қўйинг.Шунда сиз ҳамма муваффақиятли одамлар оддий, лекин самарали қоидаларга аниқлик билан амал қилишларига ишонч ҳосил қиласиз.
Аввал қилишингиз керак бўлганларни бажаринг. Ва фақат кейингина — ўзингиз хоҳлаганингизни қилинг.
Дам олишдан олдин, сизни олдинга нима ундаса, ўшани бажаринг. Муваффақиятга эришиш ва ўзингизга хоҳлаган иш билан шуғулланишга йўл бериш учун аввал ишлаш керак.
Сизга ҳар доим ҳам осон бўлмайди. Муваффақиятга эришиш йўлида қийинчиликларга дуч келасиз, шунинг учун фақат энг тиришқоқларгина мақсадларига етадилар. Бўш келманг, ялқовлик қилманг ва ҳеч қачон орқага чекинманг.
Манба: «Лайфхакер»
Изоҳ (0)