Биз сиз учун иш кунини унумли давом эттиришга ёрдам берувчи бир неча маслаҳатлар тўпладик.
«Қоматингни тўғри тут!»
Бундай танбеҳни мактаб йиллари кўпчилигимиз албатта эшитганмиз. Маълум бўлишича, бу маслаҳатнинг фойдалиликдан ҳам муҳимроқ томони бор экан. Тўғри умуртқа — бу нафақат бўйин ва орқадаги оғриқларнинг олдини олиш усули ҳисобланади.Тадқиқотларга кўра, тўппа-тўғри тик ҳолат бош миянинг фаоллиги ва кириб келувчи энергия миқдори билан боғлиқ эканлиги аниқланди. Биоқарама-қаршилик деб аталувчи ўзаро таъсир ишга тушади. Бундан ташқари, қоматнинг тиклиги стрессга бўлган чидамлиликни оширади.
«Кимда сақич бор?»
Сақичнинг билим даражасига ижобий таъсир қилишини исботлайдиган бир нечта илмий тажрибалар мавжуд.Уларнинг баъзилари бу диққат-эътиборни ошириши мумкинлигини тасдиқлайди — юз мушакларининг фаол ҳаракати мияга етиб борадиган қоннинг яхши ҳаракатланишига ёрдам беради.
Бундан ташқари, сақич «стресс гормони» кортизол миқдорини камайтириши ҳақида ҳам баъзи мулоҳазалар мавжуд.
Бу усулни суиистеъмол қилмаслик муҳим — сақич чайнашдан 20 дақиқадан кейин биз кўпроқ энергия сарфлай бошлаймиз, бу эса тескари натижага олиб келади.
«Дарс жадвалини текшир»
Кўп ҳолларда иш кунининг ярмида пайдо бўладиган чарчоқлик ҳисси яширин стресснинг оқибати ҳисобланади.Айнан шунинг учун ҳаётимизнинг ҳиссий ва жисмоний жиҳатдан қулайроқ бўлишига ёрдам берувчи унчалик катта бўлмаган машқлар бажариш жуда муҳим.
Кун давомида амалга оширилиши лозим бўлган ҳамма ишларни рўйхат қилинг. Идеал ҳаётда буни эрталаб қилиш керак, лекин бизга маълумки кун давомида режалар жадал суръатларда ўзгариб туради. Шунинг учун қолган иш вақти учун рўйхат тузиш фойдали бўлади.
Манба: Trendymen
Изоҳ (0)