Мақолада ишга ходим олишда иш берувчи қандай фазилатларга эътибор бериши ҳақида гапирамиз.
Ҳар томонлама билимлилик
Билимлилик даражаси — бу фақат қайсидир лавозим учун керак бўладиган билимлар эмас. Бу шу ишни яхши бажара олишингиз ёки олмаслигингизни белгилайдиган ҳар томонлама билимдонликнинг тўпламидир.Бунга нафақат билимингиз ва маълумотингиз, балки яна иш тажрибангиз, шароитларга мослаша олиш, мустақил равишда маълумот ахтариш, иш режасини тузиш ва муҳимлигига қараб жойлаштиришни ҳам киритиш мумкин.
Ташаббускорлик
Ташаббус жазоланади деган ибора фақат ҳазил тариқасида айтилади ёки раҳбари ўз ходимларини одам ўрнида кўрмайдиган унчалик яхши бўлмаган коллективларда ишлатилади. Бундай жойларда ишлашни ҳеч ким хоҳламайди.Раҳбари одил бўлган соғлом коллективда ташаббускорлик ҳар доим яхши қабул қилинади. Ходим яхши таклифларни қанча кўп кирица, унинг танилиш ва тақдирланиш имконияти шунча юқори бўлади.
Ўсишга интилиш
Афсуски, ходимларнинг кўпчилиги ўсишга тайёр эмас ва барқарор ойликни олиш, аниқ белгилаб берилган вазифаларни бажаришни маъқул кўришади.Иш берувчиларга муваффақиятга эришиш учун ўзининг вақтини ва кучини сарфлашга тайёр бўлганлар ёқади. Бу уларнинг мафаатлари — компания манфаатлари учун зарур.
Сиз мустақил равишда ўрганишга тайёр эканлигингизни, пешқадамликка ва раҳбарликка интилаётганингизни кўрсатинг.
Ёқимлилик
Ёқимлилик — бу иш услубида дид билан кийина билиш, дресс-кодга риоя қилиш, ҳамкасблар билан яхши муносабатда бўлиш каби жозибадорликларнинг тўплами.Атрофдагилар учун қанча кам муаммо туғдирсангиз ва қанча кўпроқ уларни ўзингизга торцангиз, сиз ҳамкасбларингизга ҳам, раҳбарингизга ҳам шунча кўпроқ ёқасиз.
Одоблилик
Ташкилотда ходимлар қанча кўп бўлса, улар орасида одоб-ахлоқнинг аҳамияти шунча каттароқ бўлади.Агар сиз уришмасангиз ва жанжал қилмасангиз, ишга шахсий муаммоларингизни аралаштирмасангиз ва корпоратив ахлоқ қоидаларига риоя қилсангиз, унда иш берувчи сиздан мамнун бўлади.
Манба: «Psychologies.ru»
Изоҳ (0)