Кундалик ишларда ўз кучини тежаш ёрдамида унумдорликни 1,5-2 марта ошириш мумкин.
Тез-тез танаффус қилиб туринг
Унумдорликнинг камайиш қонунига кўра: агар бир маромлиликка риоя қилмасангиз ва иш куни давомида энергия тикланмаса, самарангиз камайиб бораверади.
Ҳолдан тойгунча ишлашга уринманг, кўпроқ танаффус қилиб туринг.
Иш вақтингиз камайса ҳам, унинг сифати айниқса кун охирида сезиларли даражада яхшиланади.
Ишларнинг матрицасини тузинг
Қолиб кетган ишлар ва вазифаларнинг муҳимлигига қараб жойлаштиришнинг энг оддий воситаси — ишларнинг матрицаси. Матрица вазифаларни икки жиҳатига — муҳимлиги ва зарурлигига қараб жойлаштирадиган 4 бўлак (А, B, C, D) дан иборат бўлади.
Вазифаларнинг қайсилари энг зарур ва муҳимлигини ҳамма тушуниши учун уларни қандай жойлаштиришни ҳамкасбларингиз билан муҳокама қилинг. Ва ҳал қилинмаган муаммоларнинг чигилларидан хавотир олмасдан матрица бўйича ишга киришинг.
«Стерилланган кабина» ташкил қилинг
«Стерилланган кабина» термини — авиациядан кириб келган. Учиш ва қўниш вақтида — энг муҳим, мураккаб ва хавфли босқичларда — бу кабинада фақат учиш билан боғлиқ бўлган мавзулардагина гапиришга рухсат берилади.
Ўзингиз учун диққатингизни тўплаш ва эътибор билан ишлаш мақсадида вақт ва жой — «стерилланган кабина» ажратинг.
Кераксиз нарсалардан қутулинг
Виртуал иш столидан ҳам, ўзингизнинг иш столингиздан ҳам кераксиз нарсаларни ташлаб юборинг. Уларнинг ҳаммаси чалғитади ва диққатингизни тўплашга халал беради. Уларсиз нафас олиш енгиллашади.
Виртуал иш столида фақат тематик пaпкаларни қолдиринг. Алоҳида ҳужжатларни иш столида сақламанг.
Хотирангизни бўшатинг
Миямиз учун хотирада бирон-бир нарсани сақлаш ва бир вақтнинг ўзида теран фикрлаш жуда қийин. Мияни сузиб юрувчи вазифалардан халос қилинг ва фикрлашингиз енгиллашади.
Бунинг учун мияни «бўшатиш»га ўхшаш бирон нарса қилиш керак. Хаёлингизга келган ҳамма ишларни ёзиб олинг, — уларни кейин ҳам саралашингиз мумкин.
Манба: Rambler Weekend
Изоҳ (0)