Ўзбекистон XIII халқаро ўзбек пахта ва тўқимачилик ярмаркаси натижаларига кўра, тўқимачилик маҳсулотлари ва ярим тайёр маҳсулотларни 1 миллиард доллардан ортиқ миқдорда экспорт қилиш бўйича шартномалар имзолади, деб хабар берди UzDaily.
Хусасан, шартномалар Россия, Туркия, Жанубий Корея, Сингапур, Молдова ва бошқа мамлакатлардан келган компания вакиллари билан тузилди.
XIII халқаро ўзбек пахта ва тўқимачилик ярмаркаси 23—24 октябрь кунлари Тошкентда бўлиб ўтди. Унда турли мамлакатдан 1500 дан ортиқ мутахассис иштирок этди.
Эслатиб ўтамиз, ўтган йили бўлиб ўтган ярмарка жараёнида Ўзбекистон 1,32 миллиард долларлик тўқимачилик маҳсулотлари ва 550 минг тонна пахта толасини сотиш бўйича шартномалар имзолаган эди.
Ўзбекистон Президенти 2016 йилнинг охирида «2017—2019 йилларда тўқимачилик ва тикув-трикотаж саноатини янада ривожлантириш чора-тадбирлари дастури тўғрисида» қарорни имзоаган эди. Дастурда умумий миқдори 2,2 миллиард долларлик 130 дан ортиқ инвестиция лойиҳаларини амалга ошириш кўзда тутилган.
Ўзбекистон тўқимачилик саноати тармоғи 2016 йилда 1,146 миллиард долларлик маҳсулот экспорт қилган. Жорий йилда ушбу кўрсаткич 1,3 миллиард долларни ташкил этиши кутилмоқда.
Изоҳ (0)