Вазирлар Маҳкамаси «Яқин қариндошлар орасида буйрак ва (ёки) жигар бўлагини трансплантация қилиш тартиби ҳақида вақтинча низом»ни тасдиқлади. Тегишли қарор матни «Lex.uz» сайтида келтирилди.
Қарорга мувофиқ, сурункали буйрак ва жигар касалликларининг терминал босқичидаги беморларни юқори технологияли ихтисослашган тиббий ёрдам билан таъминлаш мақсадида ушбу низом тасдиқланмоқда. Ҳужжат «Инсон органлари, тўқималари ва (ёки) ҳужайраларини трансплантация қилиш ҳақида»ги қонун кучга киргунича амал қилади.
Низомда айтилишича, донор ва реципиент орасидаги яқин қариндошлик алоқаларини исботловчи ҳужжатларга туғилганлик ҳақидаги гувоҳнома, паспорт, никоҳ тузилганлиги ҳақидаги гувоҳнома, шунингдек, қариндошлик ришталарини тасдиқловчи бошқа ҳужжатлар киради. Ҳужжатларни ҳақиқийлигини тасдиқловчи исботлар ҳақидаги мажбуриятлар донор ва реципиент зиммасига юкланади.
Трансплантация фақат қуйидаги давлат тиббиёт ташкилотларида амалга оширилади:
Академик В. Воҳидов номидаги Республика ихтисослаштирилган илмий-амалий жарроҳлик тиббиёт маркази;
Республика шошилинч тиббий ёрдам илмий маркази;
Тошкент шаҳар нефрология шифохонаси;
Трансплантация қилиш реципиентга ўзининг жабрланган ва ҳаёт учун муҳим фаолиятини бажаролмасдан, унинг соғлиғига қайтариб бўлмайдиган асоратларга олиб келаётган буйрак ёки жигар бўлаги ўрнига тирик яқин қариндошлари орасидан соғлом бўлакни кўчириб ўтказиш мақсадида бажариладиган оператив амалиётдир.
Изоҳ (0)