Самарқанд вилояти ички ишлар бошқармаси томонидан давлат ва жамоат ташкилотлари билан ҳамкорликда ўтказилаётган профилактика тадбирлари жойларда жиноятчилик ва ҳуқуқбузарликларнинг олдини олишда муҳим аҳамият касб этмоқда, деб хабар беради ЎзА.
Каттақўрғон туманидаги Яккабоғ маҳалласида ташкил этилган ана шундай тадбирда профилактик ҳисобда турган шахслар ва вақтинча ишсиз фуқаролар, нотинч оилалар вакиллари, маҳалла ва таълим муассасалари мутасаддилари иштирок этди.
Самарқанд вилояти ички ишлар бошқармаси бошлиғи Ф.Қувондиқов, ҳуқуқбузарликлар профилактикаси бошқармаси раҳбари Р.Раҳмонов ва бошқалар ички ишлар органлари томонидан аҳоли осойишталигини таъминлаш, жойларда ҳуқуқбузарлик ва жиноятчиликнинг олдини олиш борасида амалга оширилаётган чора-тадбирлар юксак самаралар бераётганини таъкидлади.
Вилоят бандлик ва меҳнат муносабатлари бош бошқармаси ходимлари тадбир иштирокчиларига тумандаги корхона ва ташкилотларда мавжуд бўш иш ўринлари ҳақида маълумот берди ва натижада 25 нафар фуқаро ишга йўлланма олди.
Тадбир доирасида маҳалладаги спорт майдонида кам таъминланган ва нотинч оилалар фарзандлари иштирокида спорт мусобақалари ўтказилиб, иштирокчилар муносиб тақдирланди.
Изоҳ (0)