Ҳамкасблар ҳурматини қандай қозониш мумкин?
Ишда шахсий муносабатлар жуда катта аҳамиятга эга. Сиз учун ҳамкасбларнинг ҳурматини қозониш ва обрў-эътиборни ўзгартиришга ёрдам берадиган бир неча маслаҳатларни тўпладик.
Ҳар доим обрўйингизни сақланг
Бу фақат орасталик билан ҳаракатланиш ва омма орасида ўзини тутишни билишнигина англатмайди. Ҳар қандай вазиятларда ҳам ўзини муносиб равишда тутиш, бошқа одамларга хушмуомалалик билан муносабатда бўлиш ва уларни ҳурмат қилиш зарур.Ҳозирги замонда яхши муомала тарзи нимаси биландир эскирган ва фойдасиз ҳисобланади. Лекин аслида бу бутунлай бошқача. Агар сиз юқорида айтилган фазилатларга эга бўлсангиз, унда сурбет, ўзига бино қўйган ва ўз фикрини агрессивлик билан айтувчи одамлар орасида ажралиб турасиз.
Атрофингиздаги одамларни ҳурмат қилинг
Агар сиз бошқа одамларга ижобий муносабатда бўлсангиз, одамлар сизнинг борлигингиздан хурсанд бўлади. Улар сизнинг гапларингизга қулоқ солади ва ҳурмат қилади.Ҳурмат кўрсатиш – бу сиз ҳар қандай муомалага кўнишингиз керак дегани эмас. Бу ўз худбинлигингиз қадр- қимматингиздан устун келишига ва обрўйингизнинг тушишига йўл қўймаслик дегани. Баъзан, ҳатто агар ҳақиқат сиз томонда бўлса ҳам, ҳақлигингизни охиригача исботлаш шарт эмас.
Бошқалар ҳамма нарсага осон эришади деб ўйламанг
Ҳатто машҳур одамларнинг ҳам ҳаммага таниш бўлган ўз ҳаётий муаммолари бор. Муваффақиятли ҳамкасбингизнинг ҳеч қандай ташвишлари йўқ ва унга ҳамма нарсада омад ёрдам беради деб ўйламанг. Биз ҳаммамиз ҳам ўз мақсадларимизга эришиш ёки бошқа одамларнинг мақтовларига сазовор бўлиш учун тиришиб ишлаймиз.Ўз ҳаётингизнинг эгаси бўлинг
Сизнинг майда-чуйдаларга қайғуриш одатингиз йўқ бўлса ҳам, ҳаёт ҳар доим ҳам енгил ва ташвишсиз бўлавермайди. Қийинчиликларни қандай енгишингиз саломатлигингиздан тортиб то обрў-эътиборингиз ва бошқа одамлар билан бўлган муносабатларингизгача бўлган ҳамма нарсага таъсир кўрсатади.Ҳаётингизга бўлган жавобгарликни ўз зиммангизга олинг. Ўзингизни қўлга олинг, келажакни олдиндан режалаштиринг, вазиятларга мослашишни ўрганинг ва эпчилликни йўқотманг.
Манба: «Лайфхакер»
