Саудия Арабистони Қатардаги вазиятни издан чиқариш ва ҳокимиятни алмаштиришга уринмоқда. Бу ҳақда Қатар ташқи ишлар вазири Муҳаммад ал-Таний маълум қилди, дея хабар беради «РИА Новости».
«Биз Саудия Арабистони мавжуд тузумни алмаштиришга урғу бераётганини кўряпмиз. Мансабдорлар одамларни ўз ҳукуматига қарши чиқишга ундаяпти, демак, гап тузумни алмаштириш ҳақида кетмоқда», —деди Ал-Таний.
Қатар ТИВ раҳбарига кўра, мамлакатига нисбатан бойкот эълон қилган араб давлатларининг нияти аслида терроризмни бартараф этиш эмас, «ҳурматсизлик билдириш ва чўчитиш»га қаратилган. Бироқ АҚШ ва Қатар расмийларининг ҳаракатлари вазиятни тинчлантириш, ҳарбий ҳаракатлар таҳдидини йўққа чиқаришга ёрдам берди.
Изоҳ (0)