АҚШ президенти Дональд Трамп келажакни ўзи Қўшма Штатларни ҳимоя этишни ваъда қилган давлатларга бой бермоқда. Бу ҳақда The New York Times чоп этган мақолада таъкидланган, дея хабар беради «Газета.ru».
Газетага кўра, АҚШ кўплаб хатоларга йўл қўйди, воқеаларнинг кўзда тутилмаган ривожига дуч келди, бироқ умуман олганда Вашингтоннинг дунё сиёсатидаги иштирокидан фойда кўпроқ бўлди. Жумладан, Қўшма Штатлар президентлари НАТО, БМТ, Жаҳон банки ва ХВЖ кирадиган глобал хавфсизлик тизимини яратишга ёрдам берди.
Бироқ Трамп энди бу тизимга «болта билан» ёндашмоқда. У «Америка ҳаммасидан устун» деган шиорни байроқ қилиб олган, аммо шу билан бирга мамлакатни глобал сиёсатда иккинчи даражали ўринга тушириб қўймоқда.
Шу тариқа Трамп нафақат Қўшма Штатларнинг ишончли иттифоқдош сифатидаги нуфузини бой бермоқда, балки ўзи америкаликларни ҳимоя қилишни истаган давлатларга йўл бермоқда. Улар орасида Хитой ва Россия бор.
«Жаноб Трамп Америка ҳаммасидан устун дейди. Бироқ Америка охиридагига ўхшайди», — киноя қилади газета.
Изоҳ (0)