Diversity Visa Lottery 2019 — GreenCard виза лотереяси ташкилотчилари аризаларни топширишнинг янги муддати 18 октябрь, чоршанба кунидан бошланганини маълум қилди, деб хабар берди «Корреспондент.net».
«Техник муаммолар бартараф этилди. Аризаларни топширишнинг янги муддати 2017 йилнинг 18 октябри, чоршанба кунида бошланади ва шарқий вақт стандарт бўйича 2017 йилнинг 22 ноябрига қадар давом этади», — дейилади хабарда.
Идоранинг расмий вакили Пужи Жунжунвалининг сўзларига кўра, Давлат департаменти аризачиларга 3-дан 10 октябрга қадар топширилган аризаларга боғлиқ барча ҳужжат ва номерларни «ташлаб юбориш»ни маслаҳат берган.
Давлат департаменти октябрь бошида рўйхатдан ўтганларнинг электрон почтасига dvlottery.state.gov сайтига кириш ва у ердаги муҳим ахборот билан танишиш борасида хат юборади.
Аввалроқ, лотерея натижаларини аниқлаш муддати ҳам ўзгаргани ҳақида хабар берилганди. Эндиликда жавобларни 2018 йил 15 майдан сўнг билиш мумкин.
Изоҳ (0)