Тошкент шаҳридаги Инҳа университети (IUT)нинг профессори ҳамда «Компьютер фанлари ва муҳандислиги департаменти»нинг раҳбари доктор Абдул Раҳим Носир «International Gold Star Award for Excellence in Engineering Education» (Муҳандислик таълими соҳасидаги юксак натижалари учун халқаро олтин юлдуз) халқаро мукофотига сазовар бўлди. Бу ҳақда Инҳа университети расмий сайтида хабар берилди.
Абдул Раҳим Носир мазкур мукофотга Маврикияда ўтган «Иқтисодий ва ижтимоий ривожланишни глобаллаштириш» халқаро саммит вақтида «Муҳандислик таълими соҳасидаги юксак натижалари учун» лойиқ топилди.
Доктор Носир мазкур мукофотга «Муҳандислик таълими соҳасига сўнгги 30 йил давомида қўшган ҳиссаси ва эришган натижалари учун» лойиқ кўрилди.
IUT профессори кўплаб университетларда, жумладан, турли маъмурий лавозимларда ишлаган, шу билан у муҳандислик таълимининг ривожига ўз улушини қўшиб келмоқда.
Эслатиб ўтамиз, Доктор Абдул Раҳим Носир кўплаб халқаро мукофотларнинг соҳиби ҳисобланади. 2017 йилнинг февраль ойида у халқаро «Great Achievers Award for excellence in engineering education» (Муҳандислик таълими соҳасидаги юксак натижалари учун) мукофотини олган эди.
2017 йилнинг апрель ойида профессор бешинчи йил кетма-кет «Marquis Who’s Who in the World» (Маркуис Ким аслида ким) нашрига киритилди.
2017 йилнинг июнь ойида Доктор Абдул Раҳим Носир Альберт Нелсон Маркуиснинг ҳаётий ютуқлари учун (2017 Albert Nelson Marquis Lifetime Achievement Award) совринини қўлга киритди.
2017 йил октябрь ойининг бошида у Ўзбекистон Республикаси Ахборот технологиялари ва коммуникацияларини ривожлантириш вазирлигининг ташаккурномаси билан тақдирланди.
Изоҳ (0)