Тошкент шаҳрининг марказида, Алишер Навоий чорраҳаси, Олмазор, Фурқат кўчалари ва Ислом Каримов чорраҳалари орасидан жой олиши белгиланган, 80 гектар майдонга эга «Тошкент Сити» халқаро бизнес Марказининг лойиҳаси тасдиқланди.
Дунёнинг кўплаб ривожланган мамлакатларидаги шаҳарларда ишбилармонлик фаолиятига йўналтирилган алоҳида бизнес марказлар бор. Уларни кўпинча ўзида ана шу шаҳарларнинг осмонўпар бинолари, ойна ва бетонлардан иборат муҳандислик қиёфасини акс эттирувчи Сити номи билан аташади.
Аммо, Тошкент шаҳрининг сейсмик фаоллиги, меморий қиёфасининг ўзига хослиги, Марказий Осиё минтақасининг бой шаҳарсозлик анъаналарини инобатга олган ҳолда «Тошкент Сити» лойиҳаси ишбилармонлик фаолияти ҳамда дарахтларга бурканган яшил шаҳар, баҳаволиги, дам олиш масканларидан иборат табиат ва замонавий урбанизация ғоялар уйғунлиги асосига қурилган.
Шуларни инобатга олган ҳолда бизнес офислар, меҳмонхоналар ва апартаментларга мўлжалланган баланд биноларни 40 қаватдан, турар-жойларни эса 12 қаватдан оширмасдан замонавий технологиялар асосида қуриб битказиш белгиланди. Бундан ташқари ушбу ҳудудда анжуман ва кўргазмалар маркази, гипермаркет, савдо ҳудудлари, ресторан ҳамда кафелар ўрин олади. Бугунги кунда автомобилларни катта оқимига мўлжалланмаган кўчалар шаҳарларда ноқулайлик туғдиради. Шу сабабли Ситида Тошкент лойиҳасини давом эттирган ҳолда, кенг кўчалар ва бинолар остидаги автотураргоҳлар қуриш режалаштирилган.
Ҳудудда яшовчи аҳоли ва меҳмонлар учун апартаментлар, беш юлдузли меҳмонхоналар ва бизнес офисларда, юқори даражадаги қулайликни таъминлаш ҳисобга олинган. Савдо-кўнгилочар ва дам олиш масканларида мазмунли вақт ўтказилишининг ташкил этилиши режалаштирилган. Бино ва иншоотларнинг дизайни илғор архитектура намуналари ва миллий ўзига хослик билан уйғунлашган.
Ушбу йирик лойиҳани амалга ошириш учун Ўзбекистон Республикаси Вазирлар Маҳкамаси қошида, қуриш ва самарали бошқаришни ташкил этишга жалб қилинувчи маҳаллий ва хорижлик инвесторларни бирлаштирувчи махсус Дирекция тузилган.
Лойиҳада иштирок этиш бўйича саволлар билан қуйидаги манзилга мурожаат қилишингизни сўраймиз: Тошкент шаҳри, Байналминал кўчаси, 16-уй.
E-mail: info@tcibc.com
Телефон: +998 (71) 207-57-57
Реклама ҳуқуқи асосида!
Изоҳ (0)