Испания Конституциявий суди Каталония референдуми тўғрисидаги қонун мамлакат конституциясига зид экани ҳақида қарор қабул қилди, дея хабар бермоқда «Коммерсантъ».
Суд пленуми Каталония маъмуриятининг мустақиллик борасидаги ташаббуслари ноқонуний экани ҳақида бир овоздан қарор қабул қилган.
Референдум тўғрисидаги қонун Каталония парламенти томонидан 6 сентябрь куни маъқулланган эди, бироқ эртаси куни Испания ҳукумати ҳужжатнинг ҳақиқийлиги устидан Конституциявий судга шикоят қилган эди.
Қонун устидан Конституциявий судга шикоят берилганига қарамай, Каталонияда 1 октябрь куни мустақиллик референдуми бўлиб ўтди. Плебисцит давомида ҳудуднинг 90 фоиз аҳолиси Испания таркибидан ажралиб чиқиш учун овоз берди.
Каталония ҳукумати раҳбари Карлес Пучдемон 10 октябрь куни ҳудуднинг мустақиллиги тўғрисидаги декларацияни имзолади, бироқ Мадрид билан музокаралар олиб бориш мақсадида унинг декларациянинг амал қилишини тўхтатиб қўйди.
16 октябрь куни Пучдемон Испания бош вазири Мариано Рахойга минтақадаги вазият юзасидан икки ой ичида музокараларни бошлаш таклифи билан хат йўллади.
Испания марказий ҳукумати талабларига қарамай, Каталония раҳбарияти ҳудуднинг мақомига ҳали ҳам аниқлик киритгани йўқ.
Изоҳ (0)