ГАЗ компанияси янги «ГАЗел» автомобилларида тетрис борлигини тасдиқлади (фото ва видео)

«ГАЗел» Next автомобилларида 2017 йилдан бошлаб ускуналар панелидаги дисплейда акс этувчи тасвир сифатини текширишда фойдаланиладиган махфий Тетрис ўрнатилган. Бу ҳақда ГАЗ компаниясининг ахборот хизматига таяниб, TJournal хабар берди.

Фото: TJournal

Компания автомобиль экранидаги ўйинларни намойиш этувчи видеони эълон қилган. Таъкидланишича, видеоўйин барча «ГАЗел» автомобилларига заводда ўрнатилган ва конвейердан чиққанидан сўнг бир нечта автомобилда қолган.

https://www.facebook.com/GAZGroupAuto/videos/1562313697148645/

Компания ҳайдовчилардан бошқарув тугмалари ишдан чиқамаслиги учун Тетрис ўйинида улардан фойдаланмасликни сўраган. «Автомобиль ҳаракатланаётган вақтда ўйинни ишга тушириб бўлмайди, шунинг учун у хавфсизликка ҳеч қандай таъсир кўрсатмайди», — дея қайд этилган компания томонидан.