Россияда киноқаҳрамонлардан йўл ҳаракати қоидаларига риоя этиш илтимос қилинди
Россия Маданият вазирлиги рус фильмларининг автомобиллар бор саҳнада иштирок этадиган ижобий қаҳрамонларига тааллуқли тавсияларни ишлаб чиқди ва уни Россия Ички ишлар вазирлигига жўнатди. Киноижодкорлардан уларнинг қаҳрамонлари йўл ҳаракати қоидаларига риоя қилиши сўралмоқда. Бу ҳақда »Мотор» хабар берди.
Ҳар иккала вазирлик фильмларнинг муаллифлари ва режиссёрларидан киноқаҳрамонлар хавфсизлик камарларини тақишини, одатий ҳаракат вақтида тезликни оширмасликни сўрамоқда.
Маълум қилинишича, ижобий қаҳрамон хавфсизлик камарини тақмаса, йўлни қизил чироқда кесиб ўтса, қарама қарши йўналишдаги қатнов қисмига чиқиб кетса, тезликни оширса томошабинлар онгида нотўғри тушунчалар шаклланишига сабабчи бўлиб қолиши мумкин.
Айни вақтда, Россия Йўл ҳаракати хавфсизлиги бош инспекцияси вакиллари кинода «бадиий тўқима»лар бўлишидан хабардорлигини ва пойга саҳналарида киноқаҳрамонлар «қоидаларга риоя эта олмасликларини» яхши тушунишини маълум қилди.
Таъкидланишича, бунда гап қатъий талаблар рўйхатини тузиш ҳақида гап кетмаяпти. Тавсиялар рўйхати Россия бош вазирининг биринчи ўринбосари Игорь Шуваловнинг топшириғига биноан ишлаб чиқилган.
