Вашингтон Пхеньян билан тўғридан-тўғри музокаралар ўтказилиши мумкинлигини истисно қилмаяпти. Бу ҳақда АҚШ давлат котиби ўринбосари Жон Салливан япониялик ҳамкасби Синсуке Сугияма билан музокаралардан сўнг маълум қилди, деб ёзади «ТАСС».
«Биз диққатимизни КХДР томонидан яратилган муаммони ҳал қилиш бўйича дипломатик чораларга қаратганмиз. Аммо шунга қарамай, агар дипломатия натижа бермаса, иттифоқдошларимиз, Япония, Жанубий Корея ва бошқалар билан энг ёмонига тайёр туришимиз керак».
Аввалроқ Шимолий Кореянинг БМТдаги доимий вакили Ким Ин Рен КХДР ядро қуролини тўлиқ тақиқлаш ғоясини қўллаб-қувватлашини, аммо АҚШнинг қўл остида ядро қуроли бўлар экан, у ҳам ўз арсеналини сақлаб қолмоқчи эканлигини айтиб, ядро уруши «ҳар қандай лаҳзада бошланиши мумкин»лигини таъкидлаган эди.
Изоҳ (0)