Европада хавфсизлик ва ҳамкорлик ташкилоти (ЕХҲТ) оммавий ахборот воситалари эркинлиги масалалари бўйича вакили Арлем Дезир Тошкентда 17—19-октябр кунлари бўлади ва «Марказий Осиёда очиқ журналистика» минтақавий конференциясини очиб беради. Бу ҳақда UzDaily хабар бермоқда.
Марказий Осиё ОАВ анжумани ҳар йили бўлиб ўтадиган ва фикр билдириш эркинлиги билан боғлиқ форум ҳисобланади. Халқаро ташкилотнинг минтақада ОАВ эркинлиги борасидаги мажбуриятлари бажарилишига кўмак беради.
ЕХҲТ вакили Ўзбекистонда ОАВ эркинлиги масалаларини муҳокама этиш учун ҳукуматнинг юқори мартабали мансабдорлари, фуқаролик жамияти ва оммавий ахборот воситалари вакиллари билан учрашади.
Икки кун давом этадиган тадбир давомида Қозоғистон, Қирғизистон, Тожикистон, Ўзбекистон, Туркманистон ва Муғулистондан 100 дан ортиқ иштирокчи — ҳукумат вакиллари, журналистлар, фуқаролик жамияти ташкилотлари, илмий доиралар вакиллари ва халқаро экспертлар Марказий Осиёдаги медиа-тенденцияларни муҳокама этади.
Изоҳ (0)