Финляндиянинг Finnair авиакомпанияси 13 октябрь, жума куни 666-рақамли охирги рейсни маҳаллий вақт билан 13:20 да Копенгагендан Хельсинкига жўнатди. Бу ҳақда «РИА Новости» хабар бермоқда.
Қизиғи шундаки, самолёт коди HEL (инглиз тилида hell — жаҳаннам) бўлган Хельсинкидаги Вантаа аэропортига қўнди. Авиакомпания «жаҳаннам»га 666-рейсларни 13-санада, жума кунлари 2006 йилдан бери амалга ошириб келади.
«29 октябрдан айрим рейсларнинг рақами ўзгаради ва Копенгагендан Хельсинкига йўл оладиган 666-рейс 954 рақамини олади. 11 йил давомида АY666 рейси Хелсинкига 13-сана, жума кунларига тўғри келган 21 та парвозни амалга оширди», — дейилади авиакомпаниянинг Twitter’даги саҳифасида жойлаштирилган хабарда.
Изоҳ (0)