АҚШнинг Вашингтон шаҳрида 2017 йилнинг 13 октябрь куни Халқаро валюта фонди ва Жаҳон банки бошқарувчилари Кенгаши йиғилишининг биринчи кунида Яқин Шарқ ва Марказий Осиё мамлакатлари Марказий банклари раҳбарларининг йиғилиши бўлиб ўтди. Бу ҳақда Ўзбекистон ТИВ ахборот хизмати хабар берди.
Ўзбекистон Марказий банки раиси Мамаризо Нурмуратов иштирок этган йиғилишда мазкур минтақалар ва бутун дунёдаги муаммоли шароитларда пул-кредит сиёсати қуролларини такомиллаштиришнинг истиқболлари муҳокама қилинди. Минтақаларда юқори суръатли ўсишни рағбатлантиришда ва унинг барқарорлигини қўллаб-қувватлашда муҳим аҳамият касб этувчи пул-кредит ва молия сиёсатини амалга ошириш механизмларининг барқарор ислоҳотларига алоҳида эътибор қаратилди.
Ўзбекистоннинг АҚШдаги элчихонаси маълумотларига кўра, Мамаризо Нурмуратов йиғилиш иштирокчиларига Ўзбекистоннинг пул-кредит сиёсатида амалга оширилаётган ислоҳотлар, хусусан валюта бозорини либераллаштириш борасида қабул қилинган чора-тадбирлар ҳақида батафсил маълумот берган.
Изоҳ (0)