Тайвань адолатли савдо комиссияси АҚШнинг чиплар ишлаб чиқарувчи Qualcomm компаниясини 23,4 миллиард янги Тайвань доллари (773 миллион АҚШ доллари) миқдоридаги жаримага тортди. Бу ҳақда «Корреспондент.net» хабар бермоқда.
Мазкур жарима Тайвань учун рекорд кўрсаткич ҳисобланади.
Комиссия Qualcomm микросхемалар бозорининг CDMA, WCDMA ва LTE каби сегментларида монополчи бўлганини қайд этди. Компания Тайвань антимонопол қонунчилигини камида 7 йил давомида бузиб келган ва бу вақт мобайнида маҳаллий компаниялардан лицензия ҳамда бошқа тўловлар кўринишида 400 миллиард Тайвань доллари тўплаган.
Qualcomm’га жарима тўлашдан ташқари ҳар 6 ойда комиссияга жабрланган томонлар билан музокараларнинг бориши ҳақида ҳисоботлар жўнатиш мажбурияти юкланди.
Изоҳ (0)