Наманган вилояти ҳокими Хайрулло Бозоров Учқўрғон туманида «Фидойи ёшлар» отрядлари аъзолари билан очиқ мулоқот ўтказди. Бу ҳақда «Дарё» мухбири хабар бермоқда.
Мулоқот давомида вилоят ҳокими туманлардаги уюшмаган ёшларни «Фидойи ёшлар» отрядлари сафига қўшилиш ва пахта йиғим-теримида фаол иштирок этишга чақирди. Мавсумдаги рағбатлантириш ишлари учун 100 миллион сўм ажратилишини маълум қилди.
Мазкур сумма фаол теримчиларни қимматбаҳо эсдалик совғалари билан тақдирлаб бориш, шунингдек, мавсум давомида «Фидойи ёшлар» отрядлари фаолиятини энг намунали ташкил этган Ёшлар иттифоқи маҳаллий кенгашлари учун хона жиҳозлари ва компьютер жамланмалари харид қилишга сарфланиши билдирилмоқда.
Изоҳ (0)