Хоразм вилояти Хива туманида яшовчи Шаҳло Абдуллаева Урганч шаҳар Истеъмолчилар ҳуқуқларини ҳимоя қилиш жамиятига ариза билан мурожаат қилди, деб хабар беради жамият матбуот хизмати.
Аризада қайд этилишича, у Урганч шаҳар Ал-Хоразмий кўчасида фаолият юритувчи якка тартибдаги тадбиркор Хуршида Латипованинг савдо дўконидан Samsung Galaxy J2 Prime қўл телефонини 1 035 000 (бир миллион ўттиз беш минг) сўмга харид қилган. Харид қилганига уч кун бўлмасдан янги телефоннинг нуқсонлари пайдо бўла бошлаган. Харидор дўкон сотувчисидан нуқсонли телефонни янгисига ёки бошқа моделига алмаштириб беришини сўраган. Дўкон сотувчисидан турли хил қўпол гаплар орқали рад жавобини олгач, истеъмолчи сифатидаги ҳақ-ҳуқуқларини тиклаш мақсадида жамиятга мурожаат қилган.
Ўрганишлар натижасида истеъмолчининг аризасидаги ҳолат ҳақиқатлиги аниқланди ва жамият ходимлари томонидан Ўзбекистон Республикаси «Истеъмолчиларнинг ҳуқуқларини ҳимоя қилиш тўғрисида»ги қонунининг тегишли моддалари тушунтирилиши натижасида нуқсонли қўл телефони учун тўланган пул маблағи қайтариб олиб берилди.
Изоҳ (0)