Профессионал рингда 10 та жанг ўтказиб, уларнинг ҳаммасида рақибларини нокаутга учратган ўзбекистонлик Шоҳжаҳон Эргашев АҚШнинг Детройт шаҳрига етиб борди. Тез орада у фаолиятидаги 11-жангни ўтказиш учун Нью-Йоркка йўл олади.
Боксчи АҚШга етиб келиши билан «Дарё» нашри учун интервью берди.
АҚШ кучли боксчиларни ўзига чорлаб, уларни юқори чўққига олиб чиқадиган жой. Бокс маркази менда ҳозирданоқ яхши тассурот қолдирди.Америка боксчиларни нафақат чўққига олиб чиқади, балки рақобатга туриб бера олмаганларни «ғарқ қилиб» ҳам юборади. Россия рингларидаги жанг ва билан Америкадагисини солиштириш қанчалик ўринли?11 ноябрь куни мексикалик боксчига қарши рингга чиқаман. Москвада жангга яхши тайёргарлик кўрдим. Энди Американинг ўзида машғулотларга жиддий эътибор қаратаман.
Шоҳжаҳон Эргашев, боксчи
Менга 10 та жангни Россияда ўтказганим, Америкада ринг умуман бошқа экани ҳақида кўп айтишди. Бу каби фикрларга жавобим битта: агар боксчи жангга руҳан тайёр бўлса ва ўша кунгача машғулотлардаги қийинчиликлардан қочмай, жиддий тайёргарлик кўрган бўлса, ринг қаерда жойлашганининг аҳамияти йўқ. Ҳар томонлама тайёр спортчи Россияда ҳам, АҚШда ҳам зафар қуча олади.Шоҳжаҳон Эргашев, боксчи
Шоҳжаҳон Эргашевни чамаси 1 йил аввал ҳам кўпчилик танимасди. Бироқ кетма-кет 10 та жангда рақибларини нокаутга учратгач, у нафақат ўзбекистонлик, балки россиялик мухлисларнинг ҳам ёқимтойига айланди. Аммо савол туғилади: кетма-кет 10 та нокаутнинг сири нимада? Ёки рақиблар савияси талаб даражасида эмасмиди?
Ҳа, аввалги 10 та жангимнинг барчасида зафар қучдим. Кўпчилик бунда рақибларининг савияси ўзи қандай экан, деб ўйлаши табиий. Аммо ўйлаб кўринг, менинг савиям уларникидан юқоримиди? Мен жаҳон ёки Олимпиада чемпиони эмасман, барчасини «0» дан бошладим ва шу кунгача қаршимдан чиққанларни мағлуб этдим.Шоҳжаҳон Эргашев борасида маълумлари ҳозирча шулар. Жанг 11 ноябрь куни Нью-Йоркда. Рақиб — мексикалик. Бироқ айнан ким экани ҳозирча номаълум.Бокс ўзи шундай. Илк жангдаёқ кучли рақибга рўбаро келишнинг иложи йўқ. Геннадий Головкиндан тортиб, Сауль Альваресга қадар шундай бошлаган. Насиб бўлса, келажагим қандай бўлишини вақтнинг ўзи кўрсатади.
Шоҳжаҳон Эргашев, боксчи
Ҳар бир спортчининг мақсади бўлади. У менда ҳам бор. Бокс маркази Америкада ўзимни кўрсатиб, олтин камарни Ўзбекистонга олиб боришни истайман!Шоҳжаҳон Эргашев, боксчи
Изоҳ (0)