Покистоннинг Карачи шаҳри дунёдаги энг хавфли шаҳар деб топилди. Шаҳар энг юқори бўлган 100 баллдан 38,77 балл тўплади. Бу ҳақда The Economist’нинг тадқиқотига таяниб, «Корреспондент.net» хабар бермоқда.
Таъкидланишича, рейтингни тузишда шахсий хавфсизлик, рақамли хавфсизлик, соғлик учун хавфсизлик ва инфратузилма хавфсизлиги каби параметрлар ҳисобга олинган.
Иккинчи ўринни 46,47 балл билан Мьянмадаги Янгон шаҳри эгаллаган, учинчи ўриндан Бангладеш пойтахти Дакка шаҳри жой олган бўлиб, у 47,37 балл билан баҳоланган. Шунингдек, ўнталикка Жакарта, Хошимин, Манила, Каракас, Кито, Теҳрон ва Қоҳира кирган.
Дунёдаги энг хавфсиз шаҳарлар сифатида Токио (89,8), Сингапур (89,64) ва Осака (88,87) тан олинган.
Изоҳ (0)