Банкротликдан сўнг қайта тикланиб, 2010 йил охирида бозорга қайтганидан буён, АҚШнинг General Motors гиганти инвесторлар учун кўп томонлама ставкага айланди, деб ёзади Insider Pro.
Бир томондан, GM’нинг даромади ва рентабеллиги ошди, дивидендлари эса панд бермади. Бошқа томондан эса — бу юқори технологияли компаниялар ривожланиши туфайли, риск зонасида бўлган анча эски корпорация.
Шубҳасиз, GM — дунёдаги энг йирик автомобиль ишлаб чиқарувчиларидан бири. Оммабоплик рейтингида ушбу бренд АҚШда биринчи, Хитойда иккинчи ўринни эгаллайди. GM автомобиллари Лотин Америкаси, Австралия ва дунёнинг бошқа қисмларида ҳам яхши сотилади.
Банкротлик, давлатдан молиявий кўмак ва компаниянинг банкротликдан кейинги реанимацияси GM молиявий сиёсатини тартибга солиш имконини берди. Бунинг шарофати билан у янақа рақобатбардошроқ бўлди ва Toyota, Volkswagen ва Ford каби маркаларни ортда қолдирди.
Сўнгги вақтларда GM акцияларининг ўсишига нима сабабчи бўлмоқда? Мэри Барра раҳбарлигидаги топ-менежмент бошқаруви остида GM электромобиллар ишлаб чиқариш, ҳайдовчисиз технологиялар ва автомобилларни биргаликда ижарага олиш хизматларини ривожлантириш бўйича етакчиликка чиқмоқда. Шу тариқа эса компания янги технологияларга мослашишга улгурмаётган автомобиль ишлаб чиқарувчиларига путур етказиши мумкин бўлган эҳтимолий рискларни ўзидан узоқлаштирмоқда.
Нашр GM компаниясининг бошқа «плюс» жиҳатларини ҳам санаб ўтди:
- GM даромади ўсмоқда, ва бу тенденция яқин келажакда давом этади;
- GM «капитални тақсимлашнинг оқилона тузилмаси» тамойилларига риоя қилади, унинг доирасида инвестиция қилинган капиталнинг кутилаётган даромадлилиги 20 фоиздан ошади;
- GM навбатдаги иқтисодий инқирозга пухта тайёргарлик кўриб қўйган;
- GM ёқимсиз «сюрприз»ларга дуч келмаслик ва олдиндан мослашиб олиш учун асос тайёрлаб қўйган.
Изоҳ (0)