General Motors концерни учун оргинал қисмларни етказиб берувчи компания Хэллоуин байрами учун Chevrolet Camaro ZL1 1LE купесининг кўринишини қовоқ юзасига чизиш қўлланмасини тақдим этди. Ушбу ҳужжат компаниянинг расмий сайтига жойлаштирилди, деб хабар берди «Мотор».

Қисмларни етказиб берувчи компания қўлланма билан биргаликда Camaro’ни қовоқ юзасида кесишни кўрсатган трафаретни ҳам тақдим этди. У уч хил рангда ишланган. Қора қисмлари тишли пичоқ ёрдамида бутунлай қирқиб олиниши лозим, кулранг жойлари учун қовоқнинг юзасидан озгина қирқилади, оқ қисмига эса умуман тегинмаслик керак.

Қўлланма яратувчиларининг таъкидлашича, максимал натижага эришиш учун қовоқ юзасини тозалаш, шаклни тасвирлаш учун эса ялпоқроқ томони танлаш керак.

Хэллоуин байрами 31 октябрь куни нишонланади. Байрам Буюк Британия, Ирландия, АҚШ ва Канадада машҳурликка эга. Ушбу кунда карнавал костюмларини кийиб олиб, қўшниларникига ширинлик сўраб ташриф буюришади.