General Motors концерни моделлари қаторида электроспорткар пайдо бўлиши мумкин. Бунга электромобилларни ривожлантириш дастурининг анонси вақтида компания томонидан тарқатилган тизер шаъма қилмоқда. Бу ҳақда GM Аuthority блогига таяниб, «Мотор» хабар берди.
General Motors концерни октябрь ойининг бошида бутунлай электромобиллар ишлаб чиқаришга ўтишини маълум қилганди. Ўшанда келажакда ишлаб чиқарилиши режалаштирилаётган бир қатор моделларнинг тизери намойиш этилганди: бир неча моделлар орасида калта базали, узун капотли ва массив ёйли орқа ғилдирак билан жиҳозланган машинани кўриш мумкин. Айрим маълумотларга кўра, янги модель Cadillac маркаси остида ишлаб чиқарилади.
General Motors концернидаги моделларни «электрификация» қилиш дастурининг биринчи босқичи яқин 18 ой ичида янги иккита моделни серияли ишлаб чиқариш орқали бошланади. 2023 йилга бориб концерн 20 турдаги электромобилларни ишлаб чиқара бошлайди.