Ўзбекистон Республикаси Марказий банки мамлакат ҳудудида юридик шахсларнинг устав фондини (устав капиталини) чет эл валютасида шакллантириш бўйича маълумот берди.
Ўзбекистон Республикаси Президентининг 2017 йил 2 сентябрдаги «Валюта сиёсатини либераллаштириш бўйича биринчи навбатдаги чора-тадбирлар тўғрисида»ги ПФ-5177-сонли Фармонига кўра, жамиятларнинг устав капиталига қўйиладиган минимал талаблар фақат миллий валютада белгиланиши ўрнатиб қўйилган.
Бунда, Ўзбекистон Республикасининг Фуқаролик Кодексига биноан хўжалик ширкати ёки жамиятининг мол-мулкига пул, қимматли қоғозлар, пул билан баҳоланадиган бошқа буюмлар ёки мулкий ҳуқуқлар ёхуд бошқа шахсга ўтказиладиган ўзга ҳуқуқлар ҳисса сифатида қўшилиши мумкин.
«Шу муносабат билан, Марказий банк Ўзбекистон Республикаси ҳудудида юридик шахсларнинг устав фондига (устав капиталига) пул маблағларини миллий ва чет эл валютасида, нақд ва нақдсиз шаклда ҳеч қандай чекловларсиз киритиш мумкинлигини маълум қилади», — дейилади хабарда.
Изоҳ (0)